മന്ത്രിസഭയിലെ തർക്കങ്ങൾ ചോർത്തിയെന്ന് ആരോപണം; മന്ത്രി എ.പി. അനിൽകുമാറിനെതിരെ സൈബർ ആക്രമണം ശക്തം
തിരുവനന്തപുരം: മന്ത്രി എ പി അനില് കുമാറിനെതിരെ സൈബര് ആക്രമണം. വി ഡി സതീശന് അനുകൂല പേജുകളില് നിന്നാണ് ആക്രമണം. മന്ത്രിസഭയിലെ തര്ക്കങ്ങള് മാധ്യമങ്ങള്ക്ക് ഉള്പ്പെടെ ചോര്ത്തി നല്കിയെന്ന് ആരോപിച്ചുകൊണ്ടാണ് അധിക്ഷേപ പോസ്റ്റുകള്.
ഇന്നലെ മന്ത്രിസഭാ യോഗത്തിലെ തര്ക്കങ്ങള് വാര്ത്തയായതിന് പിന്നാലെയാണ് വി ഡി സതീശന് അനുകൂല പേജുകളില് നിന്ന് അനില് കുമാറിനെ ലക്ഷ്യംവച്ച് പോസ്റ്റുകള് വന്നത്. മന്ത്രിസഭയിലെ രഹസ്യങ്ങള് ചോര്ത്തിയതാര് എന്ന് ചോദിച്ചുകൊണ്ടുള്ള ഒരു കാര്ഡ് വിഡിഎസ് ബ്രിഗേഡ് പേജില് എത്തുകയും അതിന് കീഴെ എപി അനില് കുമാറിനെ അധിക്ഷേപിച്ച് നിരവധി കമന്റുകള് എത്തുകയുമായിരുന്നു. പിന്നാലെ മറ്റ് ചില പേജുകളിലും സമാനമായ ആക്ഷേപങ്ങള് ഉയര്ന്നു. വി ഡി സതീശന് അനുകൂല പേജുകളില് കെ സി പക്ഷത്തിനെതിരെ അതിരൂക്ഷ വിമര്ശനങ്ങളാണ് ഒളിഞ്ഞും തെളിഞ്ഞും ഈ അടുത്ത ദിവസങ്ങളിലായി വരുന്നത്. കെ സി പക്ഷത്തെ ഒറ്റുകാര് എന്ന് അധിക്ഷേപിച്ചുകൊണ്ടാണ് ഇത്തരം പേജുകളിലെ പല കമന്റുകളും.
കെ സി വിഭാഗത്തിന്റെ ഏറ്റവും പ്രധാനികളില് ഒരാളാണ് മുതിര്ന്ന നേതാവായ എ പി അനില് കുമാര്. മുന്നണിക്കുള്ളിലേയും മന്ത്രിസഭയിലേയും അഭിപ്രായ ഭിന്നതകള് മറനീക്കി പുറത്തുവരുന്നതിനോടൊപ്പം സൈബര് ഇടത്ത് പരസ്പരം സൈബര് ആക്രമണം നടത്തുന്ന നിലയിലേക്കും കാര്യങ്ങള് എത്തുന്നുവെന്നതിന്റെ തെളിവുകൂടിയാണ് ഇത്തരം പോസ്റ്റുകള്.
ഒറ്റത്തവണയോ എല്ലാ മാസവുമോ ചെറിയൊരു തുക നൽകാം
ബന്ധപ്പെട്ട വാർത്തകൾ

ആര്എസ്എസ് പ്രവര്ത്തകന് രഞ്ജിത്ത് വധക്കേസ്; മുഴുവന് പ്രതികള്ക്കും ജീവപര്യന്തം

കോവളം സ്പാ പീഡനക്കേസ്: രണ്ടു പ്രതികൾ കൂടി അറസ്റ്റിൽ; അന്വേഷണം ഊർജിതം

പിഎസ്സി അംഗങ്ങളുടെ നിയമനത്തിൽ യുഡിഎഫിൽ സമവായം; അഞ്ച് ഒഴിവുകളിൽ നാലെണ്ണം കോൺഗ്രസിനും ഒരെണ്ണം മുസ്ലിം ലീഗിനും

ചർച്ചയിൽ തീരുമാനമായില്ല; എൽപിഎസ്ടി സമരം തുടരും, അനുകൂല ഉത്തരവിറങ്ങും വരെ നിരാഹാരം അവസാനിപ്പിക്കില്ലെന്ന് വളർമതി

ചർച്ചയ്ക്ക് വിളിച്ചുവരുത്തി ഗേറ്റിൽ തടഞ്ഞു; ഏഴ് ദിവസം ഐസിയുവിൽ കഴിഞ്ഞ തന്നോടാണ് ഈ നടപടിയെന്ന് വളർമതി
