🎶 സോളമന്റെ ഉത്തമഗീതം 🎶❤️: ഭാഗം 33

രചന: റിൻസി പ്രിൻസ്‌

കുറച്ച് അധികം സമയം നിന്നിട്ടും ആരും വന്നില്ല. അവൻ മറന്നു പോയിട്ടുണ്ടാവും എന്ന് ഓർത്തു. അല്ലെങ്കിൽ അവന് തിരക്കുകൾ ഉണ്ടായിരിക്കും എന്ന് അവൾ വിശ്വസിച്ചു. തിരിച്ചു പോകാം എന്ന് കരുതി. ഉള്ളിൽ ഒരു സമാധാനവും അതോടൊപ്പം ഒരു സങ്കടവും നിറഞ്ഞിരുന്നു. തിരികെ പോകാൻ ആയി തുടങ്ങുമ്പോഴാണ് സോളമന്റെ ചുവന്ന പോളോ കാർ അവൾക്ക് മുൻപിൽ വന്ന് സഡൻ ബ്രേക്ക് ഇട്ടത്

ഗ്ലാസ് താഴ്ത്തിയപ്പോൾ തന്നെ കണ്ടിരുന്നു സോളമന്റ് സുന്ദരമായ മുഖം, ഒലിവ് ഗ്രീൻ നിറത്തിലുള്ള ഷർട്ടും കൂളിംഗ് ഗ്ലാസ്സും ഒക്കെ വെച്ച് ബുൾഗാൻ താടി ഒക്കെയായി തന്നെ നോക്കി ഭംഗിയായി പുഞ്ചിരിക്കുകയാണ് ആള്.

പെട്ടെന്ന് ശരീരത്തിൽ ഒരു പരിഭ്രമം ഒക്കെ കയറാൻ തുടങ്ങി. ഡോർ തുറന്നു കൊണ്ട് കയറാൻ അവൻ ആവശ്യപ്പെട്ടപ്പോൾ എന്ത് ചെയ്യണം എന്ന് അറിയാതെ ഒരു നിമിഷം അവളവിടെ നിന്ന് പോയിരുന്നു. പിന്നെയും കയറ് എന്ന് അവൻ പറഞ്ഞപ്പോഴാണ് സ്ഥലകാല ബോധം തിരികെ ലഭിച്ചത്. വണ്ടിയിലേക്ക് കയറിയ ശേഷം അവളുടെ സീറ്റ് ബെൽറ്റ് അവൻ തന്നെയാണ് ഇട്ടത്.

ആ നിമിഷം നെറ്റികൾ പരസ്പരം ഒന്ന് കൂട്ടിമുട്ടിയിരുന്നു. പെട്ടെന്ന് അവളിൽ ഒരു പരിഭ്രമം നിറയുന്നത് അവൾ അറിയുന്നുണ്ടായിരുന്നു. അത് മുഖത്ത് തെളിയുകയും ചെയ്തു. അവളുടെ മുഖത്തെ മാറ്റം പെട്ടെന്ന് തന്നെ അവന് മനസ്സിലാക്കാൻ സാധിച്ചു. അവളുടെ മുഖത്തേക്ക് നോക്കിക്കൊണ്ട് അവൻ പറഞ്ഞു.

” ഇങ്ങനെയങ്ങ് പേടിച്ചാ എങ്ങനെയാ ജീവിക്കാൻ പറ്റുന്നത്..? എന്റെ കൂടെ ജീവിക്കണമെങ്കിൽ കുറച്ച് റിസ്ക് എടുക്കാൻ തയ്യാറായിരിക്കണം..

അതിനു മറുപടിയൊന്നും അവൾ പറഞ്ഞില്ല. എന്ത് മറുപടി പറയണമെന്ന് അവൾക്കറിയില്ല എന്നതായിരുന്നു സത്യം. അവൻ സ്റ്റീരിയോ ഓണാക്കി പാട്ട് വച്ചു ,

നീതാണേ പൊന്ജാതി
നാനെ ഉൻ
സരി പാതി
നീതാണേ പൊൺജാതി
നാനെ ഉൻ
സരി പാതി

പ്രണയം നിറഞ്ഞ ഗാനത്തിനൊപ്പം അവളുടെ മുഖത്തേക്ക് അവൻ നോക്കി. ഇപ്പോഴും ഭയന്നിരിക്കുകയാണ്. എന്താണ് ചെയ്യേണ്ടത് എന്ന് അറിയില്ലാത്ത രീതിയിൽ,

“താൻ കൂൾ ആയോ..?

അവളോട് ഏറെ ആർദ്രതയോട് അവൻ ചോദിച്ചു

അവൾ അതേ എന്ന അർത്ഥത്തിൽ തലയാട്ടി.

” പക്ഷേ കണ്ടിട്ട് എനിക്ക് തോന്നുന്നില്ല. ആരെങ്കിലും പുറത്തു നിന്ന് നോക്കിയാൽ ഞാനിപ്പോൾ തന്നെ തട്ടിക്കൊണ്ടു പോകുന്നതുപോലെയാണ് തോന്നുന്നത്.

അവൻ പറഞ്ഞു

“അതല്ല അങ്കിൾ അറിഞ്ഞാലോ എന്നോർത്ത്,

“അങ്കിൾ എങ്ങനെ അറിയാനാ ഇതിൽ അങ്കിൾ സിസി ടിവി സെറ്റ് ചെയ്തിരിക്കാണോ.?

അങ്ങനെയൊന്നും അറിയാൻ പോകുന്നില്ല. എന്നാണെങ്കിലും എല്ലാവരും അറിയേണ്ടതല്ലേ..? അതുകൊണ്ട് ഒന്ന് സജ്ജമായി ഇരിക്കാം എന്നേയുള്ളൂ,
അവൻ പറഞ്ഞു, കുറച്ച് സമയം അവളോന്നും മിണ്ടിയില്ല, കൗതുകത്തോടെ പുറത്തെ കാഴ്ചകൾ കാണുകയാണ്, ശല്യപ്പെടുത്തേണ്ടന്ന് അവനും തോന്നി.

റോഡിൽ പലപ്പോഴും 2 മുതിർന്നവരും 2 കുട്ടികളും സഞ്ചരിച്ചിരുന്ന കാറുകൾ എന്നിവ കാണാം, മോട്ടോർ ബൈക്കുകൾ, ട്രക്കുകൾ, ബസുകൾ, ഓട്ടോ റിക്ഷകൾ, ഇരുചക്രവാഹനങ്ങൾ എന്നിവ അവൾ ഉദ്വെഗത്തോടെ നോക്കി. അധികമാരും ഹെൽമറ്റ് ഉപയോഗിച്ചിട്ടില്ല. ഇരുചക്രവാഹനങ്ങളിലെ യാത്രക്കാർ ഹെൽമറ്റ് കയ്യിൽ കരുതിയിട്ടുണ്ട്. കൂടാതെ തെരുവ് സ്റ്റാളുകൾ ഉണ്ട്. സ്ട്രീറ്റ് സ്റ്റാളുകളിലെ മിക്ക കച്ചവടക്കാർക്കും ഭക്ഷണം, വസ്ത്രങ്ങൾ, ഹാബർഡാഷറി തുടങ്ങി എല്ലാത്തരം സാധനങ്ങളും സ്റ്റോറിനേക്കാൾ കുറഞ്ഞ വിലയ്ക്ക് ഉണ്ട്. തെരുവിനോട് ചേർന്ന് നിരവധി ഭക്ഷണ ശാലകൾ ഉണ്ട്. ആധുനിക ഉയർന്ന കെട്ടിടങ്ങളും ഫാൻസി സ്റ്റോറുകളും മാളുകളും ചെറിയ സ്റ്റാളുകളും ഹോവലുകളും. തെരുവ് തട്ടുകടകൾക്കിടയിൽ, തെരുവിൽ പശുക്കൾ ഉലാത്തുന്നത് പോലുള്ള ഗ്രാമീണ ദൃശ്യങ്ങൾ അവളെ അമ്പരപ്പിച്ചു.

‘ സത്യം പറഞ്ഞാൽ നമ്മുടെ കാര്യം എത്രയും നേരത്തെ അറിയുന്നോ അത്രയും നല്ലതെന്ന് ആണ് ഞാൻ വിചാരിക്കുന്നത്.

” എനിക്കങ്ങനെ വിചാരിക്കാൻ പറ്റില്ലല്ലോ.

പെട്ടെന്ന് അവൾ മറുപടി പറഞ്ഞു

“അതെന്താ..?

” അന്ന് ഹോസ്പിറ്റലിൽ വച്ച് തന്നെ വല്യമ്മച്ചി പറഞ്ഞതൊക്കെ കേട്ടില്ലേ..? ആരെങ്കിലും അറിയുമ്പോൾ ഇങ്ങനെയല്ലേ ചിന്തിക്കുക, ഞാൻ വന്ന ഉടനെ….

അവളൊന്നു നിർത്തി

“എന്നെ വലയിലാക്കിയെന്ന്… അല്ലേ…?

അവൻ ബാക്കി പൂരിപ്പിച്ചു

” ആരൊക്കെ അത് വിശ്വസിച്ചാലും എന്റെ മമ്മ അത് വിശ്വസിക്കുമെന്ന് എനിക്ക് തോന്നുന്നില്ല. കാരണം എന്റെ സ്വഭാവം നല്ല വൃത്തിക്ക് മമ്മയ്‌ക്ക് അറിയാം, താനേതായാലും എന്നെ വലയിലാക്കില്ലെന്ന് മമ്മയ്‌ക്ക് ഉറപ്പുണ്ട്. പിന്നെ തന്നെ ഞാൻ വലയിലാക്കിയെങ്കിലേ ഉള്ളൂ എന്ന് മമ്മയ്ക്ക് ഉറപ്പാ..

” ഞാൻ ആന്റിയോട് ഇത്രയൊക്കെ നന്നായിട്ട് നിന്നിട്ട് അവസാനം ഇങ്ങനെ ചെയ്യുക എന്ന് പറയുമ്പോൾ അത് കുറച്ചു കൂടുതൽ അല്ലേ..?

” ഇതിനെപ്പറ്റി ഒക്കെ സംസാരിക്കാൻ വേണ്ടി തന്നെയാ ഞാൻ തന്നെ കാണണമെന്ന് പറഞ്ഞത് ആദ്യം താൻ ഒന്ന് കൂൾ ആകു, അതിനുശേഷം എന്നെ നന്നായിട്ടൊന്ന് നോക്ക്..

” ഇതുവരെ നമ്മൾ തമ്മിൽ സ്വസ്ഥമായിട്ട് ഒന്ന് കണ്ടിട്ടില്ലല്ലോ,

അതും പറഞ്ഞു അവൻ പള്ളി നിർത്തിയത് ഒരു ചർച്ചിന്റെ മുന്നിലാണ്… പെട്ടന്ന് അവൾ അവന്റെ മുഖത്തേക്ക് നോക്കി,

” ഒരു കാര്യമുണ്ട്..! അതുകൊണ്ടാ ഇവിടെ നിർത്തിയത്.. താൻ ഇറങ്ങ്,

ഇറങ്ങി അവൾ പള്ളിയുടെ പേര് വായിച്ചു

സെൻ്റ് തോമസ് കത്തീഡ്രൽ ബസിലിക്ക, ചെന്നൈ

‘1523-ൽ പോർച്ചുഗീസുകാർ തോമാശ്ലീഹായുടെ ശവകുടീരത്തിന് മുകളിൽ പണിതതാണ് ഈ പള്ളി

അവൻ അവളോട് പറഞ്ഞു,ആ പള്ളിയുടെ പടികൾ അവനൊപ്പം കയറുമ്പോൾ അവന്റെ കൈകൾ അവളെ മുറുകെ പിടിച്ചിട്ടുണ്ടായിരുന്നു..

പള്ളിക്കത്ത് എത്തിയപ്പോൾ രണ്ടുപേരും ഒരുമിച്ചാണ് മുട്ടുകുത്തി നിന്ന് പ്രാർത്ഥിച്ചത്, പ്രാർത്ഥിക്കും മുൻപ് അവൾ ആ പള്ളി കൗതുകത്തോടെ ഒന്ന് നോക്കി അത്രയും വലിയൊരു വാസ്തു ശില്പ്പം അവൾ ആദ്യമായി കാണുകയാണ്.

ഗോതിക് പുനരുജ്ജീവന വാസ്തുവിദ്യാ ശൈലിയാണ് പള്ളിയ്ക്ക് . നിർമ്മാണത്തിൻ്റെ മറ്റ് ഭാഗങ്ങളിൽ മാർബിളും ഗ്രാനൈറ്റും ഉപയോഗിച്ച് തേക്ക് തടി കൊണ്ട് നിർമ്മിച്ച റിബ് വാൾട്ട് സീലിംഗ് ഉണ്ട് . , അൾത്താരയ്ക്ക് മുകളിൽ ഒരു പ്രധാന സ്റ്റെയിൻ ഗ്ലാസ് ക്രിസ്തുവിൻ്റെ മുറിവിൽ സ്പർശിക്കുന്ന അപ്പോസ്തലനായ തോമസിനെ പ്രതിനിധീകരിക്കുന്നുണ്ട്. പ്രധാന അൾത്താരയിലെ പ്രതിമ “തോമസ് അപ്പോസ്തലനെ പുരോഹിതനായും യേശുക്രിസ്തുവിനെ രാജാവായും” പ്രതിനിധീകരിക്കുന്നു

ഒരുപാട് ആവലാതികൾ പറയാനുണ്ടായിരുന്നു അവൾക്ക് ദൈവത്തോട്, കണ്ണുകളിൽ നിന്നും ഉതിർന്നു വീഴുന്ന കണ്ണുനീർ അതിന്റെ ഉദാഹരണം തന്നെയായിരുന്നു. അവളുടെ പരിഭവങ്ങളും പരാതികളും എല്ലാം ഈശ്വരനോട് പറഞ്ഞു തീർക്കട്ടെ എന്ന് കാത്ത് അവനും ഇരുന്നു. കണ്ണുകൾ തുറന്നതും അവളുടെ മുഖത്തേക്ക് നോക്കി ചിരിയോടെ ഇരിക്കുന്നവനെയാണ് അവൾ കണ്ടത്. അവിടെ അങ്ങും ഇങ്ങും ഒക്കെയായി ചിലരുണ്ട്. പലരും ഇതിനോടകം തന്നെ പള്ളിയിൽ നിന്നും പിൻവാങ്ങി കഴിഞ്ഞു. പതിയെ പതിയെ പള്ളിയിൽ തങ്ങൾ രണ്ടുപേരും മാത്രമായി.

സോളമൻ ജീൻസിന്റെ പോക്കറ്റിൽ നിന്നും ഒരു ജുവൽ ബോക്സ് എടുത്ത് അവളുടെ നേരെ നീട്ടി, എന്താണെന്നറിയാതെ അവൾ അത് വാങ്ങാൻ മടിച്ചു,

” തുറക്ക്..?

അവൻ പറഞ്ഞപ്പോൾ അവൾ അത് വാങ്ങി തുറന്നു നോക്കിയതും ‘എം’ എന്ന ഡയമണ്ട് കല്ലുകൾ കൊണ്ട് ആലേഖനം ചെയ്ത ഒരു ഡയമണ്ട് റിങ് ആയിരുന്നു. അത് പുരുഷന്മാർ ഉപയോഗിക്കുന്ന റിങ് ആണ്. ശേഷം അവൻ ജീൻസിൽ നിന്നും ഒരു ജുവൽ ബോക്സ് കൂടി എടുത്തു. അത് തുറന്നു അവളെ കാണിച്ചു. അതിൽ “എസ്” എന്ന ഡയമണ്ട് കല്ലുകൾ കൊണ്ട് ആലേഖനം ചെയ്ത ഒരു ഡയമണ്ട് റിങ്ങാണ്. ഇത് സ്ത്രീകൾ ഉപയോഗിക്കുന്നത് ആണെന്ന് കാണുമ്പോൾ മനസ്സിലാകും.

” എന്തായിത്..?

അവൾ മനസ്സിലാവാതെ അവന്റെ മുഖത്തേക്ക് നോക്കി.

” ഇത് കപ്പിൾ റിങ്ങാണ്,

അവൻ അവളുടെ മുഖത്തേക്ക് നോക്കി പറഞ്ഞു.

“എന്റെ കാര്യത്തിൽ തനിക്കിനി ഒരു സംശയം വേണ്ട, അതുകൊണ്ട് പള്ളിയിൽ വെച്ച് തന്നെ ഇങ്ങനെയൊരു ചടങ്ങ് നടത്താം എന്ന് തീരുമാനിച്ചത്.. ആ മോതിരം എന്റെ കൈയിലോട്ട് ഇടൂ,

അവൻ വലത് കൈയ്യിലെ മോതിരവിരൽ നീട്ടിക്കൊണ്ട് അവളോട് പറഞ്ഞു. ഒരു നിമിഷം അവന്റെ പ്രവർത്തിയിൽ അവൾ ഒന്ന് അമ്പരന്നു പോയിരുന്നു……കാത്തിരിക്കൂ………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക…