യുഎഇയിൽ ട്രക്ക് നിയന്ത്രണം വിട്ട് മറിഞ്ഞ് ഡ്രൈവറായ മലയാളി യുവാവ് മരിച്ചു

യുഎഇയിലെ റാക് സ്റ്റീവൻ റോക്കിൽ ഹെവി ട്രക്ക് മറിഞ്ഞുണ്ടായ അപകടത്തിൽപ്പെട്ട് ഡ്രൈവറായ മലയാളി യുവാവ് മരിച്ചു. കോഴിക്കോട് ബാലുശ്ശേരി അഗ്രൂൽ സ്വദേശി അതുലാണ്(27) മരിച്ചത്

കുണ്ടിലാത്തോട്ട് വീട്ടിൽ ശശികുമാർ-അജിത ദമ്പതികളുടെ മകനാണ്. ലോഡുമായി ക്രഷറിലേക്ക് വരികയായിരുന്ന ട്രക്ക് നിയന്ത്രണം വിട്ട് തലകീഴായി മറിയുകയായിരുന്നു. അടുത്ത മാസം അവധിക്കായി നാട്ടിലേക്ക് പോകാനിരിക്കെയാണ് അപകടം.