Kerala
ഗുണ്ടൽപേട്ട് അപകടം: മരണസംഖ്യ മൂന്നായി, നേരത്തെ മരിച്ച സഹോദരങ്ങളുടെ പിതാവും മരിച്ചു

കർണാടക ഗുണ്ടൽപേട്ടിൽ കാറും വാനും കൂട്ടിയിടിച്ചുണ്ടായ അപകടത്തിൽ മരണസംഖ്യ മൂന്നായി. മൊറയൂർ അത്തിക്കുന്ന് മന്നിയിൽ അബ്ദുൽ അസീസാണ് മരിച്ചത്. അസീസിന്റെ മക്കളായ മുഹമ്മദ് ഷഹ്സാദ്, മുസ്കാനുൽ ഫിർദൗസ് എന്നിവർ നേരത്തെ മരിച്ചിരുന്നു
അപകടത്തിൽ 13 പേർക്ക് പരുക്കേറ്റിട്ടുണ്ട്. ഇതിൽ മൂന്ന് കുട്ടികളുടെ നില ഗുരുതരമാണ്. ഷഹ്സാദാണ് കാറോടിച്ചിരുന്നത്. യുവാവ് സംഭവസ്ഥലത്ത് വെച്ച് തന്നെ മരിച്ചു.
അസീസും കുടുംബവും മാണ്ഡ്യയിലെ ബന്ധുവീട്ടിലേക്ക് പോകുകയായിരുന്നു. മൈസൂരുവിൽ നിന്ന് ഊട്ടിയിലേക്ക് വരികയായിരുന്ന വിനോദയാത്രാ സംഘമാണ് വാനിലുണ്ടായിരുന്നത്.