അമേരിക്കൻ കപ്പലുകളെ ആക്രമിക്കും; ഇറാനെതിരെയുള്ള ആക്രമണത്തിൽ ട്രംപിന് മുന്നറിയിപ്പുമായി ഹൂതികൾ

ടെഹ്‌റാൻ: ഇറാനെതിരെ അമേരിക്ക സൈനികാക്രമണം നടത്തിയാൽ അമേരിക്കൻ കപ്പലുകളെ ആക്രമിക്കുമെന്ന് ഹൂതി വിമതർ മുന്നറിയിപ്പ് നൽകി. ഡൊണാൾഡ് ട്രംപ് ഭരണകൂടത്തിന് ഹൂതികളുടെ മുതിർന്ന നേതാവ് മുഹമ്മദ് അലി അൽ-ഹൂതിയാണ് ഈ മുന്നറിയിപ്പ് നൽകിയത്.

“ഇറാനെതിരെയുള്ള ഏതൊരു അമേരിക്കൻ ആക്രമണവും ചെങ്കടലിലും അറബിക്കടലിലുമുള്ള അമേരിക്കൻ കപ്പലുകൾക്ക് ഗുരുതരമായ പ്രത്യാഘാതങ്ങൾ ഉണ്ടാക്കും. അമേരിക്കയുടെ താൽപ്പര്യങ്ങൾക്കെതിരെ ശക്തമായ തിരിച്ചടി നൽകാൻ ഞങ്ങൾ മടിക്കില്ല,” അൽ-ഹൂതി ഒരു പ്രസ്താവനയിൽ പറഞ്ഞു.

ഇറാന്റെ പരമാധികാരത്തെ മാനിക്കണമെന്നും മേഖലയിൽ സംഘർഷം വർദ്ധിപ്പിക്കരുതെന്നും അദ്ദേഹം അമേരിക്കയോട് ആവശ്യപ്പെട്ടു. യെമനിലെ ആഭ്യന്തരയുദ്ധത്തിൽ ഇറാൻ ഹൂതികളെ പിന്തുണയ്ക്കുന്നുണ്ട്. സമീപകാലത്ത് ഹോർമുസ് കടലിടുക്കിൽ അമേരിക്കയും ഇറാനും തമ്മിലുള്ള സംഘർഷം വർദ്ധിച്ചിരുന്നു.