ഹൃദു ഹാരൂൺ, പ്രീതി മുകുന്ദൻ എന്നിവർ അഭിനയിക്കുന്ന ‘മേം പ്യാർ കിയ’ ഓണം റിലീസായി തിയേറ്ററുകളിലേക്ക്
യുവതാരങ്ങളായ ഹൃദു ഹാരൂൺ, പ്രീതി മുകുന്ദൻ എന്നിവർ പ്രധാന വേഷങ്ങളിൽ എത്തുന്ന റൊമാന്റിക് കോമഡി ചിത്രം ‘മേം പ്യാർ കിയ’യുടെ റിലീസ് തീയതി പ്രഖ്യാപിച്ചു. ഫായിസൽ ഫാസിലുദ്ദീൻ സംവിധാനം ചെയ്യുന്ന ഈ ചിത്രം ഓണം റിലീസായി ആഗസ്റ്റ് 29-ന് തിയേറ്ററുകളിൽ എത്തും.
ഹൃദു ഹാരൂൺ, പ്രീതി മുകുന്ദൻ എന്നിവരെ കൂടാതെ അസ്കർ അലി, ജിയോ ബേബി, ജഗദീഷ്, ജനതാനന്ദൻ തുടങ്ങിയവരും ചിത്രത്തിൽ പ്രധാന വേഷങ്ങളിലെത്തുന്നുണ്ട്. BLKFZL ആണ് ചിത്രത്തിന് തിരക്കഥ ഒരുക്കിയിരിക്കുന്നത്. സംഗീതം ഇലക്ട്രോണിക് കിലി ഒരുക്കുമ്പോൾ മിഹ്റാജ് ഖാലിദ് പശ്ചാത്തല സംഗീതം നിർവഹിക്കുന്നു. ഡോൺ പോൾ പി ഛായാഗ്രഹണവും കണ്ണൻ മോഹൻ എഡിറ്റിംഗും നിർവഹിച്ചിരിക്കുന്നു.
സഞ്ജു ഉണ്ണിത്താൻ നിർമ്മിച്ച് സ്പയർ പ്രൊഡക്ഷൻസ് വിതരണം ചെയ്യുന്ന ഈ ചിത്രം ഓണത്തിന് പ്രേക്ഷകർക്ക് ഒരു ദൃശ്യവിരുന്നൊരുക്കുമെന്നാണ് പ്രതീക്ഷിക്കുന്നത്. സിനിമയുടെ പോസ്റ്ററുകളും പ്രമോഷൻ മെറ്റീരിയലുകളും ഇതിനോടകം ശ്രദ്ധ നേടിയിട്ടുണ്ട്.
