🎶 സോളമന്റെ ഉത്തമഗീതം 🎶❤️: ഭാഗം 64

രചന: റിൻസി പ്രിൻസ്‌

നിങ്ങൾ ഒരു ഫെഡറൽ ബാങ്ക് ഉപഭോക്താവ് ആണോ...? നിങ്ങൾക്ക് ലഭിക്കും ബാങ്കിൽ പോകാതെ പേർസണൽ ലോൺ...! >>> ഇവിടെ ക്ലിക്ക് ചെയ്യുക

അല്ലെങ്കിലും എന്റെ ചെറുക്കൻ എനിക്ക് വേണ്ടി എന്തെങ്കിലും കൊണ്ടുവരുമെന്ന് എനിക്കറിയായിരുന്നു.

അഭിമാനത്തോടെ വല്യമ്മച്ചി പറഞ്ഞപ്പോൾ നന്നായി ഒന്ന് ചിരിച്ചു കാണിച്ചിരുന്നു.

തിരികെ മുറിയിലേക്ക് പോകും നേരം ആരും കാണാതെ അവളുടെ വിരൽത്തുമ്പിൽ ഒന്ന് പിടിക്കാൻ അവൻ മറന്നില്ല

അവളുടെ മനസ്സ് നിറയാൻ അതുതന്നെ ധാരാളം ആയിരുന്നു. അമലയ്ക്കൊപ്പം ഭക്ഷണം എല്ലാം ഡൈനിങ് ടേബിളിൽ എടുത്തു വയ്ക്കാനും മറ്റും അവളും കൂടിയിരുന്നു.

ബിരിയാണിക്ക് വേണ്ടി പ്രത്യേകമായി ഒരു സലാഡ് കൂടി അമല ഒരുക്കി. അതിന് അരിഞ്ഞുകൊണ്ട് ഇരിക്കുമ്പോഴാണ് അവളെ തന്നെ അവിടേക്ക് വന്ന വല്ല്യമ്മച്ചി അവളെ സൂക്ഷിച്ചു നോക്കിയത്.

” എടി പെണ്ണേ, നിന്റെ അച്ഛന്റെ വീട്ടുകാരെ കുറിച്ച് വല്ലോം നിനക്കറിയാമോ.?

അവളെ സൂക്ഷിച്ചു നോക്കിക്കൊണ്ട് വല്യമ്മച്ചി ചോദിച്ചപ്പോൾ അവളുടെ മുഖം താണു പോയിരുന്നു.

ഇല്ല എന്ന അർത്ഥത്തിൽ അവൾ തലയനക്കി.

“എന്താണെങ്കിലും ഒരു അച്ഛൻ കാണുമല്ലോ. അപ്പോൾ അയാൾ ആരാണെന്ന് നിന്റെ അമ്മ പറഞ്ഞു തന്നിട്ടില്ലേ.?

പുച്ഛത്തോടെയാണ് വല്യമ്മച്ചിയുടെ ചോദ്യം കണ്ണുകൾ നിറയരുതേ എന്ന് അവൾ പ്രാർത്ഥിച്ചു.

” ഒരച്ഛൻ അല്ലാതെ പിന്നെ രണ്ടച്ഛൻ ആണോ എല്ലാവർക്കും ഉള്ളത്.? വല്യമ്മച്ചിയുടെ പരിചയത്തിൽ ആർക്കെങ്കിലും അങ്ങനെയുണ്ടായിരുന്നോ.?

കാപ്പി എടുക്കുവാനായി അടുക്കളയിലേക്ക് വന്ന സോളമന്റ് ചോദ്യം കേട്ടുകൊണ്ട് അവർ ഒന്ന് സൂക്ഷിച്ച് അവനെ നോക്കി.

” അമ്മച്ചിക്ക് ഇതെന്താ അവളുടെ അപ്പനെ ഞങ്ങൾക്കൊക്കെ അറിയാം. ഞങ്ങളൊക്കെ കണ്ടിട്ടുണ്ട്. നല്ലൊരു തറവാട്ടിൽ പിറന്ന നല്ലൊരു വ്യക്തി തന്നെയായിരുന്നു ഇവളെ വാർത്ത പടിയാ അവനെ കണ്ടാൽ..

അമല ആവേശത്തോടെ പറഞ്ഞു

” എങ്കിലും അപ്പൻ ആരാണെന്ന് അറിയണ്ടേ.? അതുകൊണ്ട് ചോദിച്ചതാ.

ലീലാമ്മ പറഞ്ഞു

“നമ്മുടെ ഓർഫനേജിൽ ഒക്കെ ഒരുപാട് അപ്പൻ ആരാണെന്ന് അറിയാത്ത പിള്ളേരുണ്ട്. അവരുടെയൊക്കെ ഒരു ലിസ്റ്റ് ഉണ്ടാക്കി വലിയമ്മച്ചിയുടെ കൈയ്യിൽ തരട്ടെ. എല്ലാവരുടെയും അപ്പനെ ഒന്ന് കണ്ടുപിടിച്ചു വയ്ക്ക്. അവർക്കും അതൊരു സഹായാവും

സോളമൻ അല്പം ദേഷ്യത്തോടെ ശബ്ദം ഉയർത്തി തന്നെ പറഞ്ഞു

ആരും കാണാതെ മരിയ കണ്ണുകൾ തുടയ്ക്കുന്നത് അവൻ കണ്ടിരുന്നു. അത് കാണെ അവന് ദേഷ്യം തോന്നി.

” അപ്പന്റെ വീട്ടുകാരുമായിട്ട് ബന്ധമുണ്ടോന്ന് അറിയാൻ വേണ്ടി ഞാൻ ഒന്ന് ചോദിച്ചെന്നേയുള്ളു. അതിന് അമ്മയും മോനും കൂടി എന്നെ ഇങ്ങനെ ക്രൂശിക്കേണ്ട കാര്യമില്ല.

. താല്പര്യമില്ലാതെ അവര് പറഞ്ഞു.

” ഞാനൊരു കാര്യം ചോദിക്കട്ടെ ഒരു മനുഷ്യന്റെ വേദനയിൽ ഇങ്ങനെ കുത്തി ഇളക്കുമ്പോൾ എന്ത് സന്തോഷം ആണ് കിട്ടുന്നത്.?

സോളമൻ മുഖത്തടിച്ചപോലെ ചോദിച്ചു

“നിനക്കെന്താ ഞാൻ അവളെ ഒന്ന് പറഞ്ഞപ്പോൾ ഇത്ര നൊന്തത്.?
” ഇത്രയും എന്നോട് പറയാൻ മാത്രം ഞാൻ ഒന്നും ചോദിച്ചില്ലല്ലോ. നിനക്ക് അത്രയ്ക്ക് കേറി കൊള്ളാനും മാത്രമുള്ള ഒന്നും ഞാൻ പറഞ്ഞില്ല.

ദേഷ്യത്തോടെ അവർ ചോദിച്ചു.

” എനിക്ക് ചിലപ്പോൾ നോവും, പ്രശ്നം തീർന്നല്ലോ..

ദേഷ്യത്തോടെ അത്രയും പറഞ്ഞു സോളമൻ അവിടെ നിന്നും പോയപ്പോൾ അമല രൂക്ഷമായി വല്യമ്മച്ചിയേ ഒന്ന് നോക്കിയിരുന്നു. അവളെ എപ്പോഴും സോളമൻ പറഞ്ഞ വാക്കിന്റെ ഞെട്ടലിലായിരുന്നു, “എനിക്ക് നോവും ” ആ വാക്കുകൾ അവളെ അമ്പരപ്പെടുത്തി.

“മോൾ പോയിരുന്നു കുറച്ചു നേരം പഠിക്ക്,

മരിയയുടെ മുഖത്തേക്ക് നോക്കി അമല പറഞ്ഞു.

അവൾ സമ്മതപൂർവ്വം തലയാട്ടി മുറിയിലേക്ക് പോയിരുന്നു .

മുറിയിലേക്ക് ചെല്ലുന്നതിനു മുൻപേ തന്നെ ഒരു കൈ അവളെ വലിച്ച് മറ്റൊരു മുറിയിലേക്ക് കയറിയിരുന്നു. ആ കൈകളുടെ ഉടയോൻ സോളമൻ ആണെന്ന് അവൾക്ക് അറിയാമായിരുന്നു.

അവൾക്ക് പെട്ടെന്ന് ശക്തമായി ശരീരത്തിൽ ഒരു വിറയൽ അനുഭവപ്പെട്ടു. ഒന്നും പറയാതെ അവളുടെ കവിളിൽ ഒരു മുത്തം നൽകി പോകുന്ന പോക്കിൽ അവളുടെ ചെവിയോരം അവൻ പതിയെ പറഞ്ഞു.

” ചുമ്മാ വിഷമിച്ചുകൊണ്ടിരിക്കരുത് ഇതും കേട്ടോട്ട്,

ഇരുകണ്ണുകളും ചിമ്മി അവൻ മുറിക്കുള്ളിലേക്ക് കയറി പോയപ്പോൾ അവൾ ആകമാനം ഒന്ന് നോക്കി. ആരും കണ്ടില്ലല്ലോ എന്ന്.

ആരും കണ്ടില്ലെന്ന് അറിഞ്ഞപ്പോൾ അവൾക്ക് സമാധാനമായി. തനിക്ക് വേണ്ടി അവൻ വാദിച്ചപ്പോൾ തന്നെ തന്നിലെ പകുതി വിഷമവും ഒഴിഞ്ഞിരുന്നു എന്ന് അവൾ ഓർത്തു .

കുളികഴിഞ്ഞ് പുറത്തേക്ക് ഇറങ്ങിയപ്പോഴാണ് സണ്ണിയുടെ ഫോൺ ബെല്ലടിക്കുന്നത്.

നോക്കിയപ്പോൾ ജോണിയാണ്. പെട്ടെന്ന് തന്നെ ഫോൺ എടുത്തു സണ്ണി.

” ഞാനൊരു സഹായം ചോദിച്ച് വിളിക്കുന്നത് ആണ്. ബുദ്ധിമുട്ടിക്കുവാന്ന് കരുതരുത്.

ജോണി പറഞ്ഞു

” ഇത്രയും വലിയ ഫോർമാലിറ്റി ഒക്കെ ഇടുന്നത് എന്നാത്തിനാടോ.? കാര്യം എന്താണെന്ന് വെച്ചാൽ പറ.

സണ്ണി പറഞ്ഞു

” ഞാനും മോളും ട്രെയിനില് ആണ്. കുറച്ചുകഴിയുമ്പോൾ ഞങ്ങൾ ചെന്നൈയിലെത്തും. അപ്പോഴേക്കും സമയം ഒരുപാട് രാത്രിയാകും. മോളെയും കൊണ്ട് ഹോട്ടലൊന്നും താമസിക്കാൻ എനിക്ക് മനസ്സ് വരുന്നില്ല. തനിക്ക് ബുദ്ധിമുട്ടാവില്ലെങ്കിൽ മോളെ മാത്രം ഫ്ലാറ്റിൽ രാവിലെ വരെ നിർത്താൻ പറ്റുമോ.?

ജോണി ചോദിച്ചു

” എന്തിനാ ഇങ്ങനെയൊക്കെ ചോദിക്കുന്നത്. നിങ്ങൾ രണ്ടുപേരും ഇങ്ങോട്ട് വന്നാൽ പോരേ. മോളുടെ അഡ്മിഷൻ വേണ്ടി വരികയായിരിക്കും അല്ലേ?

” അതെ അടുത്ത ആഴ്ച ക്ലാസ് തുടങ്ങുന്നാ പറഞ്ഞത്. അതിനുമുമ്പ് അവൾക്ക് ഇവിടെ ഒന്ന് പരിചയമാവുവല്ലോന്ന് കരുതി ആണ് ഇങ്ങു കൊണ്ടു വന്നത്.

” അത് നന്നായി. ഏതായാലും രാത്രിയിലെ നിങ്ങൾ ഹോട്ടലിൽ ഒന്നും മുറിയെടുക്കേണ്ട. ഒരു കാര്യം ചെയ്യാം ഞാൻ വന്നു നിങ്ങളെ പിക്ക് ചെയ്യാം. അത് വേണ്ട ഞങ്ങള് ഒരു ഓട്ടോ വിളിച്ച് അവിടേക്ക് വന്നോളാം. അങ്ങോട്ട് വരുന്നതിൽ ബുദ്ധിമുട്ടു വല്ലതുമുണ്ടോ എന്ന് അറിയാൻ വേണ്ടി വിളിച്ചതാ.

” എന്ത് ബുദ്ധിമുട്ടാണ് ജോണി

സണ്ണി അങ്ങനെ പറഞ്ഞപ്പോൾ വല്ലാത്ത സമാധാനം തോന്നിയിരുന്നു ജോണിക്ക്. ആദ്യഘട്ടം വിജയിച്ചത് പോലെ അയാൾ ഗൂഡമായി ഒന്ന് പുഞ്ചിരിച്ചു.

സണ്ണി ഉടനെ തന്നെ അടുക്കളയിലേക്ക് ചെന്ന് അമലയോട് ജോണി വിളിച്ച കാര്യം പറഞ്ഞു. അമലയുടെ അരികിൽ തന്നെ ഇരുന്ന വല്യമ്മച്ചിയ്ക്ക് എന്തുകൊണ്ടോ അത് കേട്ടപ്പോൾ ഇഷ്ടപ്പെട്ടില്ല.

” ഇതുങ്ങളെല്ലാം കൂടി ഇങ്ങോട്ട് കെട്ടിയെടുക്കുന്നത് എന്തിനാ.? നിങ്ങളെന്താ ഇവിടെ സത്രം നടത്തുകയാണോ.? ആ വൃത്തികെട്ട കുടുംബത്തെ അടുപ്പിക്കരുത് എന്ന് പറഞ്ഞാൽ നിനക്ക് മനസ്സിലാവത്തില്ല അല്ലേ.? പണ്ടേ ഞാൻ പറഞ്ഞതാ. ആ പെണ്ണുമായിട്ടുള്ള കൂട്ടു നിർത്തണം എന്ന്. അവള് ശരിയല്ലെന്ന്. അന്ന് നീ കേട്ടില്ല അവസാനം നിനക്ക് ഇരുപ്പത് പണി കിട്ടുമ്പോൾ നിനക്ക് മനസ്സിലായിക്കോളും. താല്പര്യമില്ലാതെ അത്രയും പറഞ്ഞ ലീലാമ്മ അകത്തേക്ക് പോയി

” അമ്മച്ചിക്ക് ഇത് എന്താണെന്ന് ഞാൻ ഓർക്കുന്നത്. കുറച്ച് മുമ്പ് ആ കൊച്ചിനെ വിഷമിപ്പിച്ച് അങ്ങോട്ട് വിട്ടതേയുള്ളൂ, ഇനി ജോണി ഒക്കെ വരുമ്പോൾ എന്തെങ്കിലും പറയുമോന്ന എന്റെ പേടി. അയാൾ ആണെങ്കിൽ ഒരു ടൈപ്പ് ആണ്. ഒന്നും ഇഷ്ടപ്പെടില്ല.

അമല പറഞ്ഞു

” നിങ്ങളെന്താ ആലോചിച്ചു നിൽക്കുന്നത്.?

താൻ ഇത്രയും പറഞ്ഞിട്ടും ഒന്നും മിണ്ടാതെ നിൽക്കുന്ന സണ്ണിയുടെ മുഖത്തേക്ക് നോക്കിക്കൊണ്ട് അമല ചോദിച്ചു.

” ജോണിക്ക് എന്തോ കാര്യമായിട്ടുള്ള ഉദ്ദേശമുണ്ടെടി

സണ്ണി പറഞ്ഞു……..കാത്തിരിക്കൂ………

മുന്നത്തെ പാർട്ടുകൾ വായിക്കാൻ ഇവിടെ ക്ലിക്ക് ചെയ്യുക…