ചെന്നൈ: വിദ്വേഷ പ്രസംഗത്തിൽ നടി കസ്തൂരി അറസ്റ്റിൽ. ഹെെദരാബാദിൽ വച്ച് ചെന്നെെ പൊലീസാണ് നടിയുടെ അറസ്റ്റ് രേഖപ്പെടുത്തിയത്. രണ്ട് ദിവസം നീണ്ട തെരച്ചിലിനൊടുവിലാണ് നടി പൊലീസിന്റെ പിടിയിലാകുന്നത്. കഴിഞ്ഞ ദിവസം മുൻകൂർ ജാമ്യാപേക്ഷ തള്ളിയതിന് പിന്നാലെ, നടിയെ അറസ്റ്റ് ചെയ്യാൻ രണ്ട് പൊലീസ് സംഘത്തെ നിയോഗിച്ചിരുന്നു. ഈ സംഘം നടത്തിയ അന്വേഷണത്തിലാണ് നടി പിടിയിലാകുന്നത്.
തമിഴ് രാജാക്കന്മാരുടെ അന്തപ്പുരങ്ങളിൽ പരിചാരകരായി വന്ന തെലുങ്കർ തമിഴരാണെന്നായിരുന്നു കസ്തൂരിയുടെ പരാമർശം.
