തൃത്താലയിൽ 62കാരൻ ഭാര്യയെ കഴുത്തു ഞെരിച്ച് കൊന്നു; വിവരം ഫാമിലി വാട്‌സാപ്പ് ഗ്രൂപ്പിൽ അറിയിച്ചു

പാലക്കാട് തൃത്താലയിൽ 62കാരൻ ഭാര്യയെ കഴുത്തു ഞെരിച്ച് കൊന്നു. തൃത്താല അരിക്കാട് സ്വദേശി മുരളീധരനാണ് ഭാര്യ ഉഷാ നന്ദിനിയെ(57) കൊലപ്പെടുത്തിയത്. കിടപ്പ് രോഗിയായ ഉഷയെ മുരളീധരൻ കൊലപ്പെടുത്തുകയായിരുന്നു.

പിന്നാലെ മുരളീധരൻ ഫാമിലി വാട്‌സാപ്പ് ഗ്രൂപ്പിൽ ശബ്ദസന്ദേശം അയച്ചു. ഉഷയെ ഞാൻ കൊന്നു, എന്ത് ശിക്ഷയും അനുഭവിക്കാൻ തയ്യാറാണെന്നായിരുന്നു സന്ദേശം.

വിവരം ബന്ധുക്കൾ പോലീസിൽ അറിയിച്ചു. സ്ഥലത്തെത്തിയ പോലീസ് മുരളീധരനെ കസ്റ്റഡിയിലെടുക്കുകയായിരുന്നു.