കോട്ടയം: കോട്ടയത്തിന് സമീപം റെയില്‍ വേ ട്രാക്കില്‍ വിള്ളല്‍. കോട്ടയത്തിനും ഏറ്റുമാനൂരിനുമിടയിലാണ് വിള്ളല്‍ കണ്ടെത്തിയത്. ഇതേതുടര്‍ന്ന് പല ട്രെയിനുകളും വൈകി. പരശ്ശുറാം, ശബരി എക്സപ്രസുകള്‍ അര മണിക്കൂറോളം വൈകിയാണ് ഓടിയത്. ഏറ്റുമാനൂര്‍ പാറോലിക്കലിനു സമീപമാണ് വിളളല്‍ കണ്ടെത്തിയത്.
കോട്ടയം-ഏറ്റുമാനൂര്‍ പാതയില്‍ നടക്കുന്ന അറ്റകുറ്റപണികളുടെ ഭാഗമായുള്ള പരിശോധനിയിലാണ് കുമാരനെല്ലൂര്‍-കാരിത്താസ് മേഖലയില്‍ ചെറിയ വിള്ളല്‍ കണ്ടെത്തിയത്. ഇത് പരിഹരിക്കാനെടുത്ത സമയത്താണ് ട്രെയിനുകള്‍ വൈകിയത്.
അതേസമയം, വിള്ളല്‍ താത്കാലിമായി മാത്രമാണ് പരിഹരിച്ചിരിക്കുന്നതെന്നും അതുകൊണ്ടുതന്നെ വേഗം കുറച്ചാണ് ട്രെയിനുകള്‍ ഓടുന്നതെന്നും ബന്ധപ്പെട്ടവര്‍ വ്യക്തമാക്കി.
