World
ഇസ്‌റാഈല്‍ ആക്രമണത്തില്‍ കുടുംബത്തിലെ പത്ത് പേര്‍ കൊല്ലപ്പെട്ടു
ഇന്ന് ഗസ്സയില്‍ കൊല്ലപ്പെട്ടത് അമ്പതോളം പേര്‍
ഗസ്സ: അധിനിവേശ ആക്രമണം നടത്തുന്ന ഗസ്സയില്‍ ഇസ്‌റാഈല്‍ സൈന്യം ഇന്നലെ കൊന്നൊടുക്കിയത് അമ്പതോളം പേരെ. നൂറിലധികമാളുകള്‍ക്ക് പരുക്കേറ്റ ആക്രമണത്തില്‍ നിരവധി പേരെ കാണാതായിട്ടുണ്ട്. ഒരു കുടുംബത്തിലെ പത്ത് പേരെയും കൊന്നൊടുക്കിയ ഇസ്‌റാഈല്‍ ക്രൂരത മനസ്സാക്ഷിയെ മരവിപ്പിക്കുന്നതാണ്.
വടക്കന്‍ ഗസ്സയിലെ അധിനിവേശത്തിന്റെ 11-ാം ദിവസം, ഉപ ജബാലിയ അഭയാര്‍ത്ഥി ക്യാമ്പിലെ അല്‍-ഫലൂജ പരിസരത്ത് ഇസ്രായേല്‍ സൈന്യം വലിയ ആക്രമണം നടത്തി .
അതിനിടെ, യുഎന്‍ സമാധാന സേനാംഗങ്ങള്‍ തെക്കന്‍ ലെബനനിലെ തങ്ങളുടെ സ്ഥാനങ്ങളില്‍ തുടരുമെന്ന് മിഷന്‍ മേധാവി പറഞ്ഞു.
വടക്കന്‍ ലെബനനിലെ ക്രിസ്ത്യന്‍ ഗ്രാമമായ ഐറ്റൂവില്‍ ഇസ്രായേല്‍ നടത്തിയ വ്യോമാക്രമണത്തില്‍ 21 പേര്‍ കൊല്ലപ്പെട്ടു .
