നോക്കുകൂലി: നിർമല സീതാരാമന്റെ പ്രസംഗം വസ്തുതക്ക് നിരക്കാത്തതെന്ന് മന്ത്രി പി രാജീവ്

നോക്കുകൂലി സംബന്ധിച്ച് കേന്ദ്ര ധനമന്ത്രി നിർമല സീതാരാമൻ നടത്തിയ പ്രസംഗം വസ്തുതക്ക് നിരക്കാത്തതെന്ന് മന്ത്രി പി രാജീവ്. വസ്തുതകൾ ഇല്ലാതെ കാര്യങ്ങൾ പറഞ്ഞാൽ അവരുടെ വിശ്വാസ്യത തകരും.

ബിജെപി നേതാക്കളുടെ കമ്മ്യൂണിസ്റ്റ് വിരുദ്ധത കേരള വിരുദ്ധതയായി മാറുകയാണ്. നോക്കുകൂലി സംബന്ധിച്ച് തെറ്റായ പ്രവണതകളുണ്ടായിരുന്നു. അത് അവസാനിപ്പിച്ചു. കേന്ദ്രമന്ത്രി നടത്തിയത് സങ്കുചിത രാഷ്ട്രീയ പ്രതികരണമാണെന്നും പി രാജീവ് പറഞ്ഞു

നിർമല സീതാരാമന്റെ പ്രസ്താവനക്കെതിരെ ഇടത് എംപിമാർ ഇന്ന് പ്രതിഷേധിക്കും. ബജറ്റ് ചർച്ചയിൽ പ്രതിഷേധിക്കാനാണ് ധാരണ. അതേസമയം, ആശ വർക്കർമാരുടെ കാര്യത്തിൽ ആരോഗ്യമന്ത്രി ജെപി നഡ്ഡ ഇന്ന് മറുപടി നൽകിയേക്കും.