Kerala
ഇടുക്കിയിൽ നിന്ന് മൂന്ന് ഒമ്പതാം ക്ലാസ് വിദ്യാർഥികളെ കാണാതായി; തമിഴ്നാട്ടിൽ എത്തിയതായി വിവരം

ഇടുക്കിയിൽ മൂന്ന് ഒമ്പതാം ക്ലാസ് വിദ്യാർഥികളെ കാണാതായി. ഇടുക്കി രാജകുമാരി സ്വദേശികളായ വിദ്യാർഥികളെയാണ് കാണാതായത്. ഇന്നലെ ഉച്ച മുതലാണ് ഇവരെ കാണാതായത്.
അന്വേഷണത്തിൽ തമിഴ്നാട് ബോഡി നായ്ക്കന്നൂരിൽ കുട്ടികൾ എത്തിയതിന്റെ സിസിടിവി ദൃശ്യങ്ങൾ പോലീസന് ലഭിച്ചു. ഈ ദൃശ്യങ്ങൾ കേന്ദ്രീകരിച്ചാണ് അന്വേഷണം. ബോഡിനായ്ക്കന്നൂരിൽ നിന്ന് കുട്ടികൾ ട്രെയിൻ മാർഗം ചെന്നൈയിലേക്ക് പോയതായാണ് വിവരം.
മൂന്ന് കുട്ടികളും കത്തെഴുതി വെച്ചാണ് വീട്ടിൽ നിന്നും പുറപ്പെട്ടത്. പോലീസും ബന്ധുക്കളും തമിഴ്നാട്ടിൽ കുട്ടികൾക്കായി അന്വേഷണം ഊർജിതമാക്കിയിട്ടുണ്ട്.