ഗാസയില്‍ നരനായാട്ട് നടത്തുന്ന ഇസ്രാഈല്‍ പ്രധാനമന്ത്രി നെതന്യാഹുവിനെതിരെ അറസ്റ്റ് വാറണ്ട്

ഗാസയില്‍ കുഞ്ഞുങ്ങളെയടക്കം ആയിരങ്ങളെ കൊന്നൊടുക്കുന്ന ഇസ്രഈല്‍ നരനായാട്ടില്‍ ഒടുവില്‍ അന്താരാഷ്ട്ര സമൂഹം മിണ്ടിത്തുടങ്ങി. ഗാസയില്‍ നടക്കുന്ന യുദ്ധക്കുറ്റത്തില്‍ അന്താരാഷ്ട്ര ക്രിമിനല്‍ കോടതി ഇസ്രായേല്‍ പ്രധാനമന്ത്രി ബെഞ്ചമിന്‍ നെതന്യാഹുവിനെതിരെ അറസ്റ്റ് വാറണ്ട് പുറപ്പെടുവിച്ചു. ഇസ്രാഈല്‍ മുന്‍ പ്രതിരോധ മന്ത്രി യോവ് ഗാലന്റ് , ഹമാസ് സൈനിക മേധാവി മുഹമ്മദ് ദീഫ് എന്നിവര്‍ക്കെതിരെയും ക്രിമിനല്‍ കോടതി അറസ്റ്റ് വാറണ്ട് പുറപ്പെടുവിച്ചിട്ടുണ്ട്. മൂന്ന് ജഡ്ജിമാരുടെ പാനല്‍ ഏകകണ്ഠമായാണ് അറസ്റ്റ് വാറണ്ട് പുറപ്പെടുവിച്ചത്. ഗാസയിലെ സാധാരണക്കാര്‍ക്ക് ഭക്ഷണം, വെള്ളം, മരുന്ന്, വൈദ്യസഹായം, ഇന്ധനം, വൈദ്യുതി എന്നിവയുള്‍പ്പെടെയുള്ള അതിജീവനത്തിന് ഒഴിച്ചുകൂടാനാവാത്ത സംവിധാനങ്ങള്‍ ബോധപൂര്‍വ്വം നഷ്ടപ്പെടുത്തിയെന്ന് വിശ്വസിക്കാന്‍ ന്യായമായ കാരണങ്ങളുണ്ടെന്ന് ചേംബര്‍ വിലയിരുത്തി. ഇസ്രാഈലില്‍ ആക്രമണം നടത്തിയതിന് ഡീഫിന് വാറണ്ടും പുറപ്പെടുവിച്ചിട്ടുണ്ടെന്നും കോടതി പറഞ്ഞു. ഹേഗ് ആസ്ഥാനമായുള്ള കോടതിയുടെ അധികാരപരിധി അംഗീകരിക്കാന്‍ ഇസ്രായേല്‍ വിസമ്മതിക്കുകയും ഗാസയിലെ യുദ്ധക്കുറ്റങ്ങള്‍ നിരസിക്കുകയും ചെയ്തതിനെ തുടര്‍ന്ന് കോടതിയുടെ അധികാരപരിധി അംഗീകരിക്കേണ്ടതില്ലെന്ന് ഐസിസി പറഞ്ഞു. അതേസമയം, അറസ്റ്റ് വാറണ്ടുകളെ അപലപിച്ച നെതന്യാഹു, ഐസിസിയുടെ അസംബന്ധവും തെറ്റായതുമായ നടപടികളെ ഇസ്രായേല്‍ തള്ളിക്കളയുന്നുവെന്നും വ്യക്തമാക്കി.