Kerala
കുഴിയിൽ വീഴാതിരിക്കാൻ സ്‌കൂട്ടർ വെട്ടിച്ചു; ബസിനടിയിൽപ്പെട്ട് യുവാവ് മരിച്ചു, അമ്മയ്ക്ക് ഗുരുതര പരുക്ക്
തൃശ്ശൂരിൽ സ്‌കൂട്ടർ ബസിൽ തട്ടി മറിഞ്ഞ് യുവാവിന് ദാരുണാന്ത്യം. തൃശ്ശൂർ എംജി റോഡിലാണ് അപകടം. റോഡിലെ കുഴിയിൽ വീഴാതിരിക്കാൻ സ്‌കൂട്ടർ വെട്ടിച്ചതോടെ ബസിനടിയിൽ പെടുകയായിരുന്നു. ഉദയനഗർ സ്വദേശി വിഷ്ണുദത്താണ്(22) മരിച്ചത്.
സീതാറാം ഫാർമസി ജീവനക്കാരനാണ്. ഒപ്പമുണ്ടായിരുന്ന അമ്മ പത്മിനിയെ(60) ഗുരുതര പരുക്കുകളോടെ ആശുപത്രിയിൽ പ്രവേശിപ്പിച്ചു. ഇവരുടെ നില ഗുരുതരമാണ്. രാവിലെ വടക്കുന്നാഥ ക്ഷേത്ര ദർശനത്തിന് പോകുമ്പോഴായിരുന്നു അപകടം
കുഴിയിൽ വീഴാതിരിക്കാൻ സ്‌കൂട്ടർ വെട്ടിച്ചതോടെ പിന്നാലെ വന്ന സ്വകാര്യ ബസ് ഇടിച്ചു കയറുകയായിരുന്നു. അപകടത്തിൽ നാട്ടുകാർ സ്ഥലത്ത് പ്രതിഷേധിക്കുകയാണ്. കോർപറേഷൻ മേയർക്കെതിരെയും സെക്രട്ടറിക്കെതിരെയും കൊലക്കുറ്റത്തിന് കേസെടുക്കണമെന്ന് പ്രതിപക്ഷം ആവശ്യപ്പെട്ടു.
