ചേർത്തലയിൽ ഗേൾസ് ഹോമിൽ നിന്ന് ചാടിപ്പോയ ഒരു പെൺകുട്ടിയെ കണ്ടെത്തി; ഒരാൾക്കായി അന്വേഷണം തുടരുന്നു

ചേർത്തല പൂച്ചാക്കലിൽ ഗേൾസ് ഹോമിൽ നിന്നും രണ്ടു പെൺകുട്ടികൾ ചാടിപ്പോയ സംഭവംത്തിൽ ഒരാളെ കണ്ടെത്തി. ഹരിപ്പാട് നിന്നാണ് കാണാതായ ഒരു പെൺകുട്ടിയെ പോലീസ് കണ്ടെത്തിയത്. ശിവകാമി, സൂര്യ അനിൽകുമാർ എന്നിവരെയാണ് ഇന്നലെ മുതൽ ദിശ കാരുണ്യ കേന്ദ്രം ഗേൾസ് ഹോം എന്ന സ്വകാര്യ ശിശു സംരക്ഷണ കേന്ദ്രത്തിൽ നിന്നും കാണാതായത്.

പൂച്ചാക്കൽ പോലീസിന്റെ നേതൃത്വത്തിൽ ആരംഭിച്ച അന്വേഷണത്തിലാണ് സൂര്യ എന്ന പെൺകുട്ടിയെ ഹരിപ്പാട് നിന്ന് കണ്ടെത്തിയത്. ഇരുവരും ചാടിപ്പോയതാണെന്നാണ് ഗേൾസ് ഹോമിലെ അധികൃതർ പറയുന്നത്.

ഇവിടെ നിന്നും ഇരുവരും ഇറങ്ങിപ്പോകുന്ന സി സി ടിവി ദൃശ്യങ്ങൾ പൊലീസ് ശേഖരിച്ചിരുന്നു. ഇനി ശിവകാമി (16) യെയാണ് കണ്ടെത്താനുള്ളത്. ഏവർക്കായുള്ള അന്വേഷണം പോലീസ് ആരംഭിച്ചു കഴിഞ്ഞു.