യുഎഇ വിമണ്‍ സൈക്ലിംഗ് 2025 ഇന്ന് റോഡുകള്‍ അടച്ചിടും
ദുബായ്: യുഎഇ വിമണ്‍ 2025 സൈക്ലിംഗ് ടൂറിന്റെ ഭാഗമായി ഇന്ന് ദുബായിലെ ചില റോഡുകള്‍ കുറഞ്ഞ സമയത്തേക്ക് അടച്ചിടുമെന്ന് ആര്‍ടിഎ വ്യക്തമാക്കി. ഉച്ചക്ക് 12.30ന് മത്സരാര്‍ത്ഥികള്‍ ദുബായിലെ അമേരിക്കന്‍ യൂണിവേഴ്‌സിറ്റിയില്‍നിന്ന് ഓട്ടം ആരംഭിക്കുന്നത് കണക്കിലെടുത്താണ് റോഡുകള്‍ അടച്ചിടാന്‍ ആര്‍ട്ടിഎ തീരുമാനിച്ചിരിക്കുന്നത്. ഉച്ച മുതല്‍ വൈകിട്ട് നാലര വരെ സൈക്ലിംഗ് സംഘം കടന്നുപോകുന്ന വഴികളിലെ റോഡുകള്‍ 10 മുതല്‍ 15 മിനിറ്റ് വരെയാണ് താല്‍ക്കാലികമായി അടക്കുക. ട്രാഫിക് സുഗമമായി കൈകാര്യം ചെയ്യാന്‍ വേണ്ടിയാണ് നടപടി. പരിപാടിയുടെ റൂട്ടില്‍ ഉള്‍പ്പെടുന്ന റോഡുകള്‍ ഉപയോഗിക്കുന്നവര്‍ റാസല്‍ഖോര്‍ റോഡ്, എമിറേറ്റ്‌സ് റോഡ് തുടങ്ങിയ ബദല്‍ പാതകള്‍ ഉപയോഗിക്കാന്‍ ശ്രദ്ധിക്കണമെന്ന് പാര്‍ട്ടിയെ അഭ്യര്‍ത്ഥിച്ചു. 160 കിലോമീറ്റര്‍ ദൈര്‍ഘ്യമുള്ള സൈക്ലിങ് ടൂര്‍ ഹംദാന്‍ ബിന്‍ മുഹമ്മദ് സ്മാര്‍ട്ട് യൂണിവേഴ്‌സിറ്റിക്ക് സമീപമാണ് അവസാനിക്കുക. ശൈഖ് സായിദ് റോഡ്, അല്‍ നസീം സ്ട്രീറ്റ്, അല്‍ ഖൈല്‍ റോഡ്, അല്‍ ജമായേല്‍ സ്ട്രീറ്റ്, ശൈഖ് സായിദ് ബിന്‍ ഹംദാന്‍ അല്‍ നഹിയാന്‍ സ്ട്രീറ്റ് എന്നീ വഴികളിലൂടെയാണ് സൈക്കിള്‍ സംഘം കടന്നുപോവുക.
ഒറ്റത്തവണയോ എല്ലാ മാസവുമോ ചെറിയൊരു തുക നൽകാം
ബന്ധപ്പെട്ട വാർത്തകൾ
ഹോർമുസ് കടലിടുക്കിൽ എണ്ണക്കപ്പലിന് നേരെ ലിംപെറ്റ് മൈൻ ആക്രമണം; 27 ഇന്ത്യൻ നാവികർ സുരക്ഷിതർ
യു.എ.ഇയിൽ ഇ-ഇൻവോയ്സിംഗ്: ഒക്ടോബർ 30 അന്തിമ തീയതി; വൈകിയാൽ പ്രതിമാസം 5,000 ദിർഹം പിഴ
പശ്ചിമേഷ്യന്‍ പ്രതിസന്ധി: ദമാം, റിയാദ് സര്‍വീസുകള്‍ നവംബര്‍ ഏഴുവരെ റദ്ദാക്കി എയര്‍ ഇന്ത്യയും എയര്‍ ഇന്ത്യ എക്‌സ്പ്രസ്സും
ഐക്യരാഷ്ട്രസഭ ശക്തവും നീതിയുക്തവുമാകണം: യു.എൻ 81-ാം വാർഷികത്തിൽ ആഹ്വാനം ചെയ്ത് കുവൈത്ത്
ദമ്മാം വിമാനത്താവള ആക്രമണം: ഒരു ഇന്ത്യൻ പൗരൻ കൊല്ലപ്പെട്ടതായി എംബസി സ്ഥിരീകരിച്ചു
