യുഎഇയില്‍ ഇന്ന് മഴയുണ്ടാവുമെന്ന് എന്‍സിഎം
അബുദാബി: രാജ്യത്തിന്റെ വിവിധ ഭാഗങ്ങളില്‍ ഇന്ന് മഴക്ക് സാധ്യതയുള്ളതായി ദേശീയ കാലാവസ്ഥാ കേന്ദ്രം(എന്‍എംസി) അറിയിച്ചു. മഴക്കൊപ്പം പര്‍വത പ്രദേശങ്ങളില്‍ മഞ്ഞുവീഴ്ചക്കും സാധ്യതയുണ്ട്. ഇന്നലെ ശരാശരി 9 ഡിഗ്രി സെല്‍ഷ്യസിനും 27.9 ഡിഗ്രി സെല്‍ഷ്യസിനും ഇടയിലായിരുന്നു രാജ്യത്തെ താപനില. പര്‍വത പ്രദേശങ്ങളില്‍ താപനില വളരെ കുറവായിരുന്നു. യുഎഇയിലെ ഏറ്റവും ഉയരംകൂടിയ പ്രദേശമായ ജബല്‍ ജെയ്‌സ് പര്‍വതനിരകളില്‍ ഇന്നലെ ശരാശരി 11 ഡിഗ്രി സെല്‍ഷ്യസായിരുന്നു താപനിലയെങ്കിലും രാത്രിയില്‍ ഇത് രണ്ടു ഡിഗ്രി സെല്‍ഷ്യസ് വരെ കുത്തനെ താഴ്ന്നിരുന്നു. ദുബൈയുടെ വിവിധ ഭാഗങ്ങളില്‍ ഇന്നലെ മഴ പെയ്തിരുന്നു. രാവിലെ 10നും ഉച്ചക്ക് 12.40നും ഇടയിലായാണ് സാമാന്യം ഭേദപ്പെട്ട മഴ പെയ്തത്. ദുബൈ എയര്‍പോര്‍ട്ട്, അല്‍ മിസ്ഹര്‍, അല്‍ ലിസൈലി, ജബല്‍ അലി, അല്‍ ഖനാനീജ് തുടങ്ങിയ പ്രദേശങ്ങളിലാണ് നല്ല രീതിയില്‍ മഴ പെയ്തത്. ഇന്നും കാലാവസ്ഥയില്‍ കാര്യമായ മാറ്റങ്ങള്‍ പ്രതീക്ഷിക്കുന്നില്ല. മണിക്കൂറില്‍ പരമാവധി 40 കിലോമീറ്റര്‍ വേഗമുള്ള കാറ്റിനുള്ള സാധ്യതയും കാലാവസ്ഥാ കേന്ദ്രം പ്രവചിക്കുന്നുണ്ട്.
ഒറ്റത്തവണയോ എല്ലാ മാസവുമോ ചെറിയൊരു തുക നൽകാം
ബന്ധപ്പെട്ട വാർത്തകൾ
യു.എ.ഇയിൽ ഇ-ഇൻവോയ്സിംഗ്: ഒക്ടോബർ 30 അന്തിമ തീയതി; വൈകിയാൽ പ്രതിമാസം 5,000 ദിർഹം പിഴ
പശ്ചിമേഷ്യന്‍ പ്രതിസന്ധി: ദമാം, റിയാദ് സര്‍വീസുകള്‍ നവംബര്‍ ഏഴുവരെ റദ്ദാക്കി എയര്‍ ഇന്ത്യയും എയര്‍ ഇന്ത്യ എക്‌സ്പ്രസ്സും
ഐക്യരാഷ്ട്രസഭ ശക്തവും നീതിയുക്തവുമാകണം: യു.എൻ 81-ാം വാർഷികത്തിൽ ആഹ്വാനം ചെയ്ത് കുവൈത്ത്
ദമ്മാം വിമാനത്താവള ആക്രമണം: ഒരു ഇന്ത്യൻ പൗരൻ കൊല്ലപ്പെട്ടതായി എംബസി സ്ഥിരീകരിച്ചു
സൗദിയിൽ വിമാനത്താവളത്തിനും എണ്ണപ്പാടത്തിനും നേരെ ആക്രമണം; ഒരു ഇന്ത്യക്കാരൻ കൊല്ലപ്പെട്ടു: മൂന്ന് പേർക്ക് പരിക്ക്
